Юрлакан юпах
Юлташӑм - юланутҫӑ. Юпахĕ юрӑхсӑртарах - юставсӑр, юлташӑм - юрккӑн.
– Юлашки юпах-им, юри юнтарать-тӑк, юлаймастӑн-им юлхавусӑр?
– Юлаймастӑп, - юптарать юлташ, - юлхавлантӑрин. Юнтарĕ-юнтарĕ, юлашкинчен юравлӑланĕ-ха юртти. Юрĕ, ют юпаха юратаймӑпах.
Юмӑҫ юмларĕ-ши - юрӑхлӑланчĕ юлташӑн юпахĕ. Ютшӑнмасть. Юмахлать! Юсӑнсассӑн юсанать, юлташшӑн юншӑхать, юрӑ юрлать! Юлташӑм юрламасассӑн - юрлаттарать:
Юхать юханшыв
Юрӑ юрласа,
Юхать юсанса,
Юппи - юлташа.
Юхать юханшыв
Юри юнтарса,
Юла юптарса,
Юхать юхӑнса.
Юхать юханшыв
Юр юнтариччен,
Юка юхиччен,
Юплешке юппи
Ютта юличчен…
Юрккӑнланчĕ юпах, юмартланчĕ: юпахĕ – юланутҫилле, юланутҫи – юпахĕлле…