ÇЫРЛА ПИÇНĔ ВĂХĂТРА
Васянка Никифор Тарасович
1. Ҫырла пиçнӗ вӑхӑтра та
Ирпе ирех тухрӑмӑр.
Тухрӑмӑр та утрӑмӑр
Пионерсем вӑрмана.
2. Хӑшӗ-пӗри пуракпа та
Хӑшин чӗрес алӑра.
Тухрӑмӑр та утрӑмӑр
Отрячӗпех çырлана.
3. Татрӑмӑр-çке çырлине те
Хӗп-хӗрлине, пиçнине,
Макӑ чӗрес хӗрринчен те
Пурак хуппи ӳкиччен.
4. Шӑкӑлтатса каçхине
Эпир киле çитрӗмӗр.
Эпир киле çитрӗмӗр те
Сӗтпе çырла çирӗмӗр.