Ырă кăмăллă Рая

ЫРǍ КǍМǍЛЛǍ РАЯ

Райăпа Çинук - туссем,

Пайлаймаççĕ теттесем.

Пысăк Барби пукане

Кайнă Çинук кăмăлне.

Пластилин кравать кирлех.

Рая тантăшне шеллет.

Райăна лекет упа,

Слон, хăравçă мулкачсем...

- Килĕшетĕп эп санпа.

Пулар Барбипе туссем, -

Рая куççульне шăлать,

Хăй именчĕклĕн кулать.

- Çĕнĕ çурт лартма шутлап.

Пулăшĕç мана туссем.

Пулĕç пысăк алăксем,

Йăлтăр-ялтăр кантăксем.

Мăйăр пухăпăр, çырла

Туссемпе юрла-юрла.

Пулĕ кĕреке тулли:

Пӳремеч,

хуран кукли...