Тилĕ
Галкин Александр Алексеевич
«Килнӗ анкарти хыçнехҪӑткӑн тилӗ, – тет анне, –
Тен, кӗресшӗн картишне
Тустармашкӑн чӑхсене?»
Хӑпӑл-хапӑл тумланса
Тухрӑмӑр анкартине:
Тилӗ, чӑн-та, йӑпшӑнса
Ҫитнӗ-мӗн сарай хыçнех!
«Ты-ыт ӑна, эй-эй! – тесе
Ятӑмӑр та кӑшкӑрса,
Сарӑ тилӗ, шарт! сиксе,
Вӗçрӗ уялла тухса.
Пычӗ çеç хӳри хыçра
Шӑпӑр пек шӑлса юра…
Ӗнтӗ туп халь эс ӑна –
Йӗрӗ те çук, куртӑна?