Пилеш кайăкĕ
Семендер Юрий Семенович
Вӑрманти сӗвек пилеш
тайлӑкӗ,
Пилешсем шап-шур ҫуркунне.
Пилешсем ҫинче пилеш кайӑкӗ
Шӑратать хитре юррине.
Вӗренме кайран куҫса кайӑп-и
Хулана тӑван ялӑмран,
Сан юрру-кӗввў,
пилеш кайӗкӗ,
Тухас ҫук нихҫан асӑмран.
Хитре юрланӑшӑн пилеш кайӑкне «вӑрман шӑпчӑкӗ» теҫҫӗ. Вӑл ӑслӑ, ҫав вӑхӑтрах хӑюллӑ, асӑрхануллӑ, чее кайӑк. Йӑви патне тӑшман ҫывхарнине курсан тапӑнать, анчах чараймасан чееленет: аманнӑ пек пулса уксахласа сиккелет. Ҫапла майпа тӑшмана йӑваран айккинелле илсе каять.