Хисеп
Азамат Светлана Васильевна
– Вĕренетпĕр вырăсла,
Нимĕçле, акăлчанла.
Ют чĕлхепе калаçни,
Вулама, çырма пěлни
Кирлĕ пулатех пире.
Компьютерна çаптарас,
Интернетра сас парас
Пĕлĕве – ӳстермелле,
Ĕçлеме – вĕренмелле.
Ĕçне тусан укçине те
Шута илме пěлмелле.
– Ăслă-çке эс, Кулине.
– Ăслă пулас килнипе çеç
Ăслă пулмăн, асанне.
– Хамăр тăван чĕлхене
Манса каяс марччě те...
– Мĕн калатăн, асанне?..
Хамăр тăван чĕлхене
Манас çук эп ĕмĕрне.