Хĕлле

ХĔЛЛЕ

Хирсем шур юрпа пахаланнă.

Шур кĕрĕк туяннă хырсем.

Паян ачасем ир вăраннă -

Çилпе ăмăртаççĕ вĕсем.

Кулать çил-тăман - харсăр кайăк,

Вĕçет пĕр çӳле, пĕр - çĕре.

Юрпа вăл перет:

- Киле кайăр!

Пăрасшăн çултан йĕлтĕре.

Туссем тăмана йĕкĕлтеççĕ:

- Хăравçă пулман нихăçан! -

Çилпе тупăшса ак вĕçеççĕ: -

Ытла ан мухтан, кăшт лăплан!

Итлерĕ пулас çил-тăманĕ -

Йăванчĕ часрах çул çине.

...Чунпа хастарри çеç ăнланĕ

Хăюлăх ертсе пынине...