КАПǍР ТУМ ХАЛЬ ТǍХǍНАТПǍР
Сарби Раиса Васильевна
Тӗслӗх кӑтартсам, куян,
Курӑнар паян пуян,
Тӑхӑн капӑр кӗпеме
Уявра халь ҫўреме.
Тӗлӗнӗ атте-анне
Курсанах хӗр-куянне:
– Пирӗн килте пур иккен
Пит хитре куян-пике!
Ун валли принц тупмалла,
Лавккана васкамалла!..
Атте куян-принц туянӗ,
Савӑнӗ пике-куянӗ.
Тяппипе принц пуҫран шӑлӗ –
Тӑхӑнтарӗ пуҫ кӑшӑлӗ:
– Эс – ҫураҫнӑ хӗрӗм, – тейӗ,
Хӗр-куянӑм хӗпӗртейӗ.
Куян туйӗ чаплӑ кӗрлӗ,
Пит нумай куян-тус вӗрлӗ –
Пӑхӗҫ ман куян ҫине.
Сӑнӗҫ мана – хуҫине.