Капăр канфет
Пĕр лавккара çăкăр, пĕремĕк тата канфет тĕл пулчĕç тет. — Эпĕ пуринчен те чиперри, — мухтанать канфет. — Пăхăр-ха ман çине, епле хитре ман кĕпе, йăлтăр-ялтăр çиçсе çеç тăрать. Эпĕ тата пуринчен те тутли! — тет. Эпĕ те тутлă, — сăмах хушмасăр чăтаймасть тет çăкăр. — Мана тин çеç кăмакаран пĕçерсе кăларнă.
Эпĕ те тутлă, — тет пĕремĕк те.
Эпĕ пур пĕр кунта чи тутли, чи чиперри те чи хакли!.. — хăйённех перет канфет.
Çапла чылай тавлашаççĕ вĕсем, вĕçне-хĕрне тухаймаççĕ.
Ирхине лавккана пĕр кинемей килсе çăкăр туянчĕ тет.
—Куртăн-и, — тёксе илчĕ тет çăкăр пылак çимĕçе, — эпĕ пурин- чен те тутлăрах пултăм, çавăнпа илчĕ те мана кинемей, — терĕ тет.
Кăшт тăрсан лавккана хĕр ача кĕчĕ тет те:
Мана кукамай пĕремĕк илсе килме хушрĕ, — тесе пёр хутаç пĕремёк туянса кайрё тет.
Эпĕ те санран тутлă пултăм, — тесе кÿрентерсе хăварчĕ тет пĕремĕк канфета.
Канфет вара:
—Нимĕн те ăнланаймастăп, эпĕ кунта чи чиперри, чи пылакки те чи тутли. Çитменнине тата, чи хакли, çапах мана туянакан çук, — тесе тёлĕнет тет.
Выртать-выртать тет çапла канфет лавккара, хăйне хаклăран çынсем туянма пултарайманнине ниепле те ăнланаймасть тет.