Кўршĕсем
Сарине Лидия Михайловна
– Кишĕр! Кишĕр! Куçна уç,–
Терĕ ирех çарăк тус. –
Кил-ха кунта çывăхрах,
Илтĕн хыпар туххăмрах!
– Кала мĕн калассине, –
Кўрши парать сассине. –
Ача тутлăн çывăрать,
Эп кайсанах вăранать.
– Итле, кума, каçхине
Ăшă çумăр çумалла.
Унччен мĕн пур пиçене
Кăкласа ывăтмалла!
Ара, хурт-кăпшанкисем
Вĕçĕм кунта килеççĕ,
Йĕплĕ, çўллĕ пиçенсем
Сĕткенсене ĕмеççĕ.
– Ытти-хытти тарам-ха! –
Кишĕр чунтан хĕпĕртет. –
Ай çумăрĕ çутăр-ха,
Пĕтĕм шăм-шак кĕçĕтет!