Эпир – Коржиксем
Лешка шăнкăрав кнопки çине пусать те тем вăхăт кăшкăртса тăратать. Алăх леш енче такам васкавлăн çывхарни илтăнет. Унтан Катя сасси янăраса каять. Катя – пирĕн тантăш. Тĕрĕссипе, Лешкăн тантăшĕ.
Шăллăм ăна садикрах юратса пăрахнă.
– Кам унта? – ыйтать Катя.
– Эпир – Коржиксем!
– Коржиксем?
– Аха çав. Уç хăвăртрах!
Катя тинех алăка уçать.
– Урама тухатăтан-и? – тĕпчетпĕр харăссăн. –
Вăйă пуçланать.
Вăйă тесен Катьĕн куçĕ йăлтăртатма пуçларĕ.
– Мĕнле вылятпăр?
– Пиратла, – ăнлантарать Лешка.
– Малтанах каласа хуратăп, эпĕ – пиратсен принцесси.
– Паллах, паллах! Тулĕк тух часрах. Турник патĕнче пухăнатпăр. Эпир Антона чĕнме кайăпăр.
Юнашар подъезда чупатпăр. Каллех кнопка çине пусса тăратпăр. Алăк леш енчен «Кам унта?» тени илтĕнсе каять.
– Эпир ку – Коржиксем. Выляма тух!
– Халех!
Унтан тата Ванькăна чĕнсе тухатпăр. Вăйă пуçланать те, каç пулнине те сисместпĕр. Çуллахи каникул кунĕсене çапла ирттеретпĕр. Ялан тенĕ пекех.
Эсир пире пĕлетĕр ĕнтĕ. Эпĕ Димка Коржик – пилллĕкмĕш класс пĕтернĕ. Шăллăм – Алексей, хамăрла каласан – Леха. Вăл манран пĕр çул çеç, кĕçĕнрех, анчах виççĕмĕш класс çеç пĕтернĕ. Мĕншĕн тесен манна анне шкула пĕр çул малларах янă. Çавăнпа эпĕ Лехăран икĕ класс чухлĕ ăслăрах. Вăт çапла.