Авӑтайман автан. Тĕрленчĕк
Альтук аппасен Автанĕ апат анманнипе аптӑранӑ. Аран-аран авӑтнӑ – ах, анчах! Алхас Анчӑк Автана анратмаллипех анратнӑ. Айван! Айван анчах-и – апшур! Апата авӑртать анчах. Альтук аппа анкартинче аппаланать, Автан авӑтаймасӑр асапланать, Анчӑк Автана асӑрхамасӑр аш авӑрать. Айкашать анчах Анчӑк, Автанӑн ав апат анмасть. Ах, артак-ҫке, ах, ачашлаҫҫĕ-ҫке Анчӑка. Ашапатман! Ашак!
(Апчху! астумасӑр апчухлататъ Альтук аппа.)
Ам-ам-ам!
Автан алки – авӑнчӑк,
Алкум алӑкĕ амантнӑ.
Алӑк айӑплӑ-и, алки-и?
Ам! Автанах айӑплӑ: Асӑрханман, апӑрша! –
ашкӑнса амлатнӑ Анчӑк.
Аванмарланнӑ Автан. Алки аманни – амантнӑрин, авӑтайманни - ай-тур-тур... Ах, алки авӑнчӑкчĕ, атти аванччĕ, аҫамĕ аркӑ-аркӑллӑччĕ...
Автан асӑрхаман, Айташ Акӑш аннӑ-мĕн ампар айне, аллинче – азбука.
А к ӑ ш (алхапӑллӑн). Автан, акӑ азбука. Асӑнмалӑх Айташ Акӑшран. Азбукӑра – алфавит.
А в т а н. Алфавит? Азбука? Акӑш акамӑм, апат анмасть-ҫке... Азбука апат-им аптӑранӑскершĕн? Авӑтаймастӑп.
А к ӑ ш. Асӑрха-ха, Автанӑм, азбукӑра акӑ а-пель-син, а-лыча, а-рахис, а-нис, а-рпус...
А в т а н. Арахис? Арпус?
Астивесчĕ Автанӑн! Аппетичĕ – арӑсланӑннилле! Аван! Акӑ алфавичĕ. Ансат-и? Ансат-иҫ! А! А! Автан анасласшӑнччĕ ахӑр, анасланмарĕ – авӑтӑнчĕ! Ак ача!
– А-а-а-а! – авӑтрĕ Автан. Азбука-тӑк азбука! Алфавит-тӑк алфавит!