Детям
Электронная библиотека создана на средства гранта Президента Российской Федерации для поддержки творческих проектов общенационального значения в области культуры и искусства

ЫЛТӐН ХӖВЕЛ

Давыдов-Анатри Василий Иванович

Ылтăн хĕвел, сар хĕвел
Ирĕлтерет шур юра.
Çил, чупса кĕрсе хĕве,
Уçăлтарать кăкăра.

Петюк пĕр сăрт айккинче
Пĕчĕк пĕве пĕвелет,
Сарă хĕвел ăшшинче
Çĕнĕ юрă кĕвĕлет.

Шывĕ тулать пĕвене,
Петюк чунĕ савăнать,
Ярать пĕчĕк киммине –
«Карап» çула ыткăнать.

Ылтăн хĕвел, сар хĕвел,
Ирĕлтерет шур юра.
Петюк тунă çут пĕве
Кĕмĕл пекех йăлтăрать.

1969