Ваççил
Азамат Светлана Васильевна
«Пăх-ха эс, сана-и-ха,
Итлессӳ килмест-и-ха?
Акă – пиçиххи салтап,
Çаптарап, ыраттарап.
Телевизора сӳнтер,
Пěрмаях ан кĕрлеттер», –
Мăкăр-мăкăр мăкăртатрě
Темшěн тарăхнă кукаç.
«Ан тавлаш, чипер калаç», –
Çенĕке илсе тухать те,
Куками те ăс парать:
«Лайăх çын тăвас тесе
Вĕрентетпĕр вĕт сире.
Пусăран шыв ăсса кил,
Эс итле пире, Ваççил».
«Вăт мату-ур, вăт ку – ача-а!» –
Тет кукаç шывне сыпса.