Вĕçев
Растворцев Андрей Васильевич
Çывăрать атте-анне,
Куçне хупрĕ пукане,
Ав кушак та тĕлĕрет,
Эп пăхап чӳречерен.
Тӳпере темскер йĕрри
Çул хывать пĕчченçĕ.
«Вăл-и? Вăл – метеорит», –
Тет мана пиччеçĕм.
Шкул ачи калать пулсан
Хирĕçлес килмест-ха ман,
Чул вĕçсе çӳренипе
Пурпĕр йывăр килĕшме.
Кам вулать, çырать – маттур,
Анчах ман та шухăш пур:
Тӳпере вĕçекенни –
Ыйхă валеçекенни.