ҪУРКУННЕ

Волкова Мария Андреевна
Пӗтменччӗ кайса
Шур юр ӗнер ир.
Паян тасалса
Янк уçӑлчӗ хир.

Ҫӳхе тумпала
Тӑратӑп тухса.
Юхать шыв вӑйлах,
Юхать ӑнтӑлса.

Шавлать те кӗрлет
Ҫырма хирӗлсе –
Лутра кӗпере
Каясшӑн илсе.

Кӑра та хаяр
Сив хӗл парӑнса
Тарасшӑнах мар –
Урать тӑвӑлса.

Кашлаç пӑлханса
Хавас йӑмрасем.
Унта ир те каç
Савнаç кураксем.

Ҫуралнӑ çӗре
Ютран таврӑнсан
Шавлаççӗ пӗрле
Ҫапла пухӑнса.

Пулман-çке ансат
Вӗсен çулӗсем.
Сивве, тӑмана
Ҫӗнтернӗ вӗсем.

Уяв кӗввисем
Вӗсен сассинче…
Юхаç сив çилсем
Сив хӗл хыçӗнчен.