ÇУЛЛАХИ ÇУМǍР

Ӑшӑ ҫумӑр кантӑкран
Шаккаса систерчӗ:
Курӑк ҫийӗн ҫаруран
Вӗҫнӗ пек иртесчӗ.

Йӗпенме ҫумӑр айне
Ҫав тери тухасшӑн –
Кӑларсам мана, анне,
Кӑларсам, тархасшӑн.

Тӗрлӗ тӗслӗ тумламсем
Ывӑҫа пухасчӗ,
Ҫав кӑвак кӳлленчӗксен
Янравне туясчӗ.

Симӗс курӑк типиччен
Манӑн киленесчӗ,
Асамат кӗперӗнчен
Ҫивӗт ҫивӗтлесчӗ.

Хам та ҫумӑр тумламне
Пӗр самант куҫасшӑн…
Хӑв ачалӑхна, анне,
Асилсем, тархасшӑн.