ЙЫТĂ – ШАНЧĂКЛĂ ЮЛТАШ

Канмалли кун çывхарсан
Аттепе пуçтарăнса
Тухса утрăм пасара,
Пĕрле илтĕм Мухтара.
Туянасшăн йытă тус.
Эс, Мухтар, пуçна ан ус.
Йĕркипе ак йытăсем,
Пурте мăйкăчпа вĕсем.
Таксăн – кĕске урисем,
Лайăх теç сунарçăсем.
Пудель пĕчĕккĕ ытла,
Пĕлеймест те пуль çыртма.
Лайка куçран тинкерет,
Пĕрле ил мана эт тет.
Шав тăрать йĕри-тавра –
Мĕн тумалла-ши вара?
Мухтар тус пăхать куçран,
Ачашлать атте пуçран:
– Туянар-и лайкăна? –
Килĕштерчĕ вăл ăна.
Йытă – шанчăклă юлташ,
Унпа çывăх эс туслаш.