Материал представлен из коллекции электронной библиотеки «Писатели Чувашии – детям» – pchd21.ru
Электронная библиотека создана Чувашской республиканской детско-юношеской библиотекой – www.rdub21.ru – на средства гранта Президента Российской Федерации для поддержки творческих проектов общенационального значения в области культуры и искусства

Автор:         Растворцев Андрей Васильевич
Книга:         Лунная дорога
Стихотворение: Чечексем

Эп кĕреп вăрман хĕррине,
Пăрăнап Çӳçе айлăмне.
Çывăхрах выртать çырла улăхĕ,
Сенкер çăлтăр пек шăнкрав курăкĕ
Çил çинче калать кĕввине,
Чечексен çурхи çеммине.

Вăл мухтать сар çип утине,
Вăл мухтать çерçи кĕпçине:
«Манпала пĕрле вăййа
тухмăр-ши,
Хĕвеле савса юрă хывмăр-ши?»

Тытăнар, туссем, алран-ал,
Туянар, туссем, çĕн хавал.
Çыранри салтак тӳмине,
Çывăхри шăлан тĕмине
Килĕшет сенкер çăлтăр чĕнĕвĕ,
Шăнкрав куракĕн ырă сĕнĕвĕ,
Йышăнса чипер йыхрава
Пухăнать çаран уява.

Кӳкĕрчен çулçи – чăн мерчен,
Сарă пуç çеçки – кĕмĕлтен.
Шурă хĕм сапать ешĕл лантăшĕ,
Ешĕл лантăшĕ – çеçпĕл тантăшĕ...
Шăратать телей сапаки
Чечексен хитре уçланки.

Все тексты взяты из открытых источников и выложены на сайте для не коммерческого использования. 
Все права на тексты принадлежат только их правообладателям.