Материал представлен из коллекции электронной библиотеки «Писатели Чувашии – детям» – pchd21.ru.
Электронная библиотека создана Чувашской республиканской детско-юношеской библиотекой – www.rdub21.ru – на средства гранта Президента Российской Федерации для поддержки творческих проектов общенационального значения в области культуры и искусства.

Автор:   Людмила Николаева
Книга:   Сывлӑм ӑҫтан тупӑнать?

Стихотворение: Сарӑ чӗпӗ

Аллӑмра шур ҫӑмарта,
Так-так-так таккать шалта.
«Эп кунта-ҫке, эп кунта», –
Тенӗн туйӑнать мана.

Ак ҫӑмарта катӑлать,
Шӗвӗр сӑмса курӑнать.
Икӗ пӗчӗк йӑлтӑр куҫ,
Ҫавра уйӑх – сарӑ пуҫ.

Ҫутӑ куна саламлать:
– Шим-шим-шим!
Манӑн тус таҫта васкать:
– Чим-чим-чим!

– Чӗппӗмҫӗм, ҫемҫе ҫӑмха,
Ан васка, кӑштах тӑхта!
Хӗвел ҫинче ӑшӑнсам,
Ҫутӑ кунпа савӑнсам.

Эс ҫуралнӑ уяр кун,
Эс ҫуралнă шӑмат кун.
Сана хӗвел юратать,
Шевлисемпе ыталать.

Санӑн пур аппу, пиччӳ –
Ярӑнаҫҫӗ ав чуччу.
Сан аҫу – сап-сар автан,
Апат-ҫимӗҫ шыракан.

Аннӳ вара – чӑпар чӑх.
Сирӗн пысӑк пуян йӑх.
Анне – яланах анне,
Чуп ун ҫунатти айне!


Все тексты взяты из открытых источников и выложены на сайте для не коммерческого использования. 
Все права на тексты принадлежат только их правообладателям.