Материал представлен из коллекции электронной библиотеки «Писатели Чувашии – детям» – pchd21.ru.
Электронная библиотека создана Чувашской республиканской детско-юношеской библиотекой – www.rdub21.ru – на средства гранта Президента Российской Федерации для поддержки творческих проектов общенационального значения в области культуры и искусства.

Автор:   Людмила Николаева
Книга:   Сывлӑм ӑҫтан тупӑнать?

Стихотворение: Кӑтра пӗлӗт

Тӳпере хӗвел пӑхать,
Ман ҫине тумла тумлать.
Пуҫа ҫӗклеп ҫӳлелле:
Кам сирпӗтет – пӗлмелле.

Унта – шурӑ чӑмӑркка.
Чӑмӑркка мар вӑл – «така»!
Ҫивӗчскер, хитре, кӑтра,
Сиккелет ман пуҫ тавра:

«Эй, сар ҫӳҫлӗ ял ачи,
Чуптарар-и катаччи?
Иксӗмӗр пӗрле выляр,
Ҫиле майлӑ ӑмӑртар.

Малтан эп сана хӑвалӑп,
Кайран – эсӗ, эпӗ тарӑп...»
Килӗшрӗм ҫӗн тусӑмпа –
Чупрӑм такӑр сукмакпа.

Нумаях иртмерӗ вӑхӑт,
Хуса ҫитрӗ мана хӑвӑрт.
Ун тарас пулать – черет,
Шур «така» тапса сикет.

Ҫилӗ вӗрчӗ вӑйлӑрах,
Вирхӗнчӗ вӑл хытӑрах.
Ах!

Кӑтра пӗлӗт тарчӗ, тарчӗ.
Халь ӑҫта ӑна шырам?
Асӑнмалӑх ҫеҫ хӑварчӗ
Пысӑк йӑлтӑркка тумлам.


Все тексты взяты из открытых источников и выложены на сайте для не коммерческого использования. 
Все права на тексты принадлежат только их правообладателям.