Материал представлен из коллекции электронной библиотеки «Писатели Чувашии – детям» – pchd21.ru
Электронная библиотека создана Чувашской республиканской детско-юношеской библиотекой – www.rdub21.ru – на средства гранта Президента Российской Федерации для поддержки творческих проектов общенационального значения в области культуры и искусства

Автор:   Карягина Марина Федоровна
Книга:   Сас палли ҫĕршывĕнче
Рассказ: Сухаллӑ савӑнӑҫ. 

Саккӑрти самӑркка Сашука сĕт-турӑх, салма, сухари сĕнеҫҫĕ. «Саркайӑкӑм, савӑклан-ха», – сӑйлаҫҫĕ савса. Сашукĕ сурать, сĕтел сармине сĕтĕрет – сĕтелĕ самантра сӑйсӑр-мĕнсĕр: савӑт-сапи сылтӑмра, сӑмаварĕ сулахайра.
– «Сникерс» сутмаҫҫĕ-и-мĕн? Сĕчĕ сахӑрсӑр! Салми сивĕннĕ! Сухарийĕ сарӑ – сенкеррине суйламаллаччĕ! Сеп-сенкеррине!
«Сникерсчен» сĕткен сĕнеҫҫĕ.
– Сӑмсана сусӑрлатрӑр! – сӑтӑрать Сашук сĕткен сирпĕннĕ «суранне».
Сатин саппунпа сӑтӑраҫҫĕ. (Сӑтӑрмаҫҫĕ-ха – сĕртĕнеҫҫĕ.)
– Сӑпкара сиктерĕр! – салтӑнать самӑркка. 
Сехечĕпе сиктереҫҫĕ сӑпкара.
– Сахал! – сĕмсĕрленет Сашук. – Сӑвӑласа сиктерĕр!..
Сӑлтавсӑр-мĕнсĕр сентрепе сĕкĕшет сĕмсĕркке, сакка силлет, «сӑртран» сикет, сехечĕ-сехечĕпе сĕпсалла сĕрлет. Суккӑрлатĕ-и-ха «сӑннипе»? Сасси суя, сӑмахĕ сӑпайсӑр...
Сехĕрлентерет-и сире саккӑрти Самӑркка? Сыхчӑ сыхлатӑрах! Саламатчĕ сисиччен.
Сасартăк сулхăнлатрĕ. Сас-хура сарăлче: самаях сивĕтмелле-мен. Сакăрвунă «Сникерсне» сĕренренпе суйла-суйла сăвакан Сашук сунаслать. Сăмси «сухăрлă», сасси салху:
– Савăтри, сур сухалли, сĕтеклĕ-си? – сÿпĕлтетет селĕпскер.
Сÿпĕлтетет сана – сиплине сисет! Савăтри сухан-çке-ха – сухалланса сарăлнă, симĕс сăмсаланнă. Сухан сывлăхшăн сипетлĕ, сĕткенĕпе сунасран сиплеççĕ.
Сĕт суса сĕрчĕç, сухан сĕткенне сăрăхтарчĕç. Сăптăрать Сашук симĕс сĕвемсене, сĕткенне сыпкăм- сыпкăм сыпать. Сăн-пичĕ… савăнăçпа сапăрланать.
– Сухаллă савăнăçăмсем! – савса сăнать савăтри сухансене.
Сашук сып-сывă – сатур салтак!
Сĕмсĕрлĕхрен, сăнсăрлăхран, сăпайсăрлăхран сиплерĕ-шим сухан:
– Салам сире! Сывлăх сунатăп! Сывлăха сыхламалла, – спектакльтилле сăмахлать Сашук. Суфлёрсăрах…


Все тексты взяты из открытых источников и выложены на сайте для не коммерческого использования. 
Все права на тексты принадлежат только их правообладателям.