Материал представлен из коллекции электронной библиотеки «Писатели Чувашии – детям» – pchd21.ru
Электронная библиотека создана Чувашской республиканской детско-юношеской библиотекой – www.rdub21.ru – на средства гранта Президента Российской Федерации для поддержки творческих проектов общенационального значения в области культуры и искусства

Автор: Давыдов-Анатри Василий Иванович
Книга: Ача-пӑча сӑввисем.
Стихотворение: Ачасен садĕнче.

Атте ĕçлет заводра,
Анне ĕçлет станцăра.
Эпĕ куллен ирхине
Каяп ачасен садне.
Уçă сывлăш таврара,
Çĕнĕ пушмак урара;
Утап эпĕ васкаса,
Тухап Тури Çĕнкаса.
Умра шурă пысăк çурт,
Кунĕн-çĕрĕн хăй çап-çут:
Хĕвел вылять кăнтăрла,
Ильич лампи – каçпала.
Çурт умĕнче, пахчара,
Ача-пăча вăйăра.
Хăшĕ хăйăр купалать, –
Кĕтмен çĕртен сăрт пулать.
Çитет акă кăнтăрла,
Вăхăт – апат тумалла.
Унтан кăштах выртмалла,
Ыйхă тутлă – канмалла.
Хĕвел анма пуçласан,
Атте килет заводран.
Вăл çула май çак çурта
Кĕрет ялан ман пата.
Эпĕ аттепе пĕрле
Хăвăрт утап килелле.
Садра мĕн-мĕн тунине
Калас килет аннене.

Все тексты взяты из открытых источников и выложены на сайте для не коммерческого использования. 
Все права на тексты принадлежат только их правообладателям.