Материал представлен из коллекции электронной библиотеки «Писатели Чувашии – детям» – pchd21.ru
Электронная библиотека создана Чувашской республиканской детско-юношеской библиотекой – www.rdub21.ru – на средства гранта Президента Российской Федерации для поддержки творческих проектов общенационального значения в области культуры и искусства

Автор:    Светлая (Петрова) Елена Владимировна
Книга:   Яшлăхпа ватлăх
Басня:   Тилĕпе Ула курак

Тилĕпе Ула курак
Çăвать кăна япшар чĕлхеллĕ Тилĕ:
− Ула куракăм, эсĕ маншăн пурнӑҫ пилĕ!
Леш те юлсах каясшăн мар унран:
− Эс, Тилĕ тусăм, маншăн тăванран тăван.
Чунтан калатăп, хакли çук санран! −
Хайхискерсем пĕрне-пĕри ачашшăн
çупăрлаççĕ,
Пыл пек, çу пек сăмахсемпе мухтаççĕ…
Ват Чĕрĕп çак сăмахсене илтсен
Вĕсем патне йăкăртатса пырать хуллен.
− Пикемĕрсем,
сире ырă хыпар эп пĕлтерем:
Инçех те мар, шăп хамăр ĕшнерех,
Илемлĕх конкурсĕ пулать иккен,
Питех аванччĕ иксĕр те унта çитсен,
Пире талантăрпа тĕлӗнтерсен…

− Аха, − тет Тилĕ, − пит кĕттетĕм-ха куна,
Ку уявра, пĕлетĕр-и,
тивӗçлипе хак параççех мана!
Тăхта-ха, чим-ха, −
− тет ăна Ула курак, − унта
Эп пулмалла пĕрремĕш вырăнта!
Куна илтсессĕн Тилĕ тарăхса каять:
− Пĕрремĕш вырăнта? Ай, катемпи!
Мĕнле вăл калаçать?
Сан пек айван мала ăçтан тухать?
Тин çеç пĕрне-пӗри мухтакансем
Çапла сапма пуçларĕç сив хĕлхем.
Куракĕ Тиллине хăрăмпала сӑрлать,
Леш Курака çĕр чăтайми хурлать.
Тапранчĕ вăрманта шăй-шай,
Пур кайăк тĕлĕнсе кăна тăрать… Ай-ай!

Туссем, хăш чух илемлĕх вăййинчен çапла
Пулса тухать камитлĕ япала.


Все тексты взяты из открытых источников и выложены на сайте для не коммерческого использования. 
Все права на тексты принадлежат только их правообладателям.