Материал представлен из коллекции электронной библиотеки «Писатели Чувашии – детям» – pchd21.ru
Электронная библиотека создана Чувашской республиканской детско-юношеской библиотекой – www.rdub21.ru – на средства гранта Президента Российской Федерации для поддержки творческих проектов общенационального значения в области культуры и искусства

Автор:    Светлая (Петрова) Елена Владимировна
Книга:   Яшлăхпа ватлăх
Басня:   Портфельлĕ Ашак

Пушмакĕпе шаклаттарса, эй, шак та шак
Мӑн çулпала утса пырать Ашак.
Курах каять хайхи: умра портфель выртать,
Çап-çут тӑхи хĕвелпеле йāл-йāл йăлтăртатать.

«О-хо?! − ик хăлхине вылянтарать Ашак.−
Портфель! Ăçтан эс пĕлнĕ манăн шухăша?
Килсем часрах кунта! Алра портфель пулсан
Çын ăслăн, тăнлăн, сумлăн курăннă ялан.
Халь ĕнтӗ эп те ятлă пулăп санпалан!

Портфель! Эс ӳстеретĕн шанчăка!» −
Мăнаçланать Ашак. Умра ак − Качака.
Вăл тĕлĕнет Ашак сумлăхĕнчен −
Ара, портфель чăнах та сум кӳрет иккен.
«Ыйтам-ха пулăшу портфельлĕ Ашакран,−
Тет Качака, − хăтарĕ тен йывăрлăхран?»
− Хисеплĕ…Хм-м…
Ашак Ашакович…. Ĕнсе
Ку яхăнта ытла та ларчĕ хĕсӗнсе:
Вунă путек вӗт ман… Апачĕ-ҫимĕçĕ сахал,
Пӳрт-çӳчӗ сивĕ… Çитеймест вăй-хал
Эс халĕ ятлӑ çын ĕнтӗ, Ашак,
Тен, шеллĕн кӳршӳне, тен, пулăшăн кăштах?

− Чим… Портфеле уçам-ха, − тет Ашак.
Уçать хайхи, анчах портфелӗ пуш-пушах:
Ни хăпарту унта, ни кăтарту…
Çакна пăхса тăруçăн Качака
Тӳрех каларĕ уççăн Ашака:
− Çынна канаш пама çитеймесен мехел
Алла мĕн-ма тытатпăр-ши портфель?


Все тексты взяты из открытых источников и выложены на сайте для не коммерческого использования. 
Все права на тексты принадлежат только их правообладателям.