Материал представлен из коллекции электронной библиотеки «Писатели Чувашии – детям» – pchd21.ru
Электронная библиотека создана Чувашской республиканской детско-юношеской библиотекой – www.rdub21.ru – на средства гранта Президента Российской Федерации для поддержки творческих проектов общенационального значения в области культуры и искусства

Автор:         Азамат (Смирнова) Светлана Васильевна
Книга:         Алфавит
Стихотворение: Сас паллисем
Йĕкĕреш йĕркен

Ашшĕ-амăш куçĕнче –
Ачи-пăчи – пĕр тĕнче.

Ăн – ăнкарма, ăнланма,
Ăслăлăха ăнтăлма.

Библи – пурнăç кĕнеки,
Букварь – пĕлӳ кĕреки.

Витĕм кирлĕ вăхăтра
Вĕкеленни вырăнсăр.

Гранит – çирĕп, чаплă чул,
Графит – çемçе, хура чул.

Демократи саккунĕсем
Депутатсен шайĕнче…

Ертӳçĕсен йĕрĕ çине
Еткерçĕсем тухаççĕ.

Ĕç-хĕл – ĕçчен палăкĕ,
Ĕрче, чăваш халăхĕ.

Ёлка тавра çаврăннă чух
«Ёштăр-ваштăр» пулкалать…

Журналистем – сăмахпа
Жонглер евĕр выляççĕ.

Зефир – пылак çимĕç пур,
Зефир – мамăк пусма пур.

Илес-милес çил-тăман
Ирпе каçа пăхăнмасть.

Йăнăш – йынăшса йăлăхтарать,
Йăпану – йăваштарать.

Карап тума пуçличчен
Кимĕ тума пуçланă.

Лайăх йăла-йĕркене
Ламран лама куçарас.

Мăшăр аван пулсассăн
Мăшкăл курас хуйăх çук.

Нӳре кайнă çанталăка
Нухрат сĕнсе чараймăн.

Орфографии – тĕрĕс çырасси,
Орфоэпи – тĕрĕс пуплесси.

Пурлăх парса хăварма
Пуян ăс-хал пухмалла.

Рехетленсе пулăшнăшăн
Рахмат сире, тус-тăван.

Савăк тусĕ – сĕреплĕх,
Сăвап тусĕ – сăпайлăх.

Çывăх çынпа çапăçакан –
Çылăх çатмин çунăкки.

Тĕнкĕлтетсе çӳрекен -
Тулăх пурнăç тăвайман.

Утса, чупса кайиччен
Упаленме пуçлатпăр.

Ӳркенмесĕр ĕçлекен
Ӳнер ăсти пулатех.

Феноменла фантаст вĕсем –
Философпа филолог.

Хăват – хевте мăшăрĕ
Хайлав – сăмах кăшăлĕ.

Цимбал – кĕсле майлăрах,
Цитра – тренчĕл шайлăрах.

Чунпа чĕре чирĕсене
Чиркӳ юрри чӳхетет.

Шухăшлама – шухăш пур,
Шĕкĕлчеме – чĕлхе пур.

Щетка пур – шăл тасатма,
Щетка – пушмак çутатма.

Ыррăн-сыввăн пурнасчĕ,
Ытлăх-çитлĕх курасчĕ.

Этемлĕха пуçарнă мăшăр:
Этем – Адам, Ева – Йăва.

Юр хытарнă шăнак çĕр
Юрла-юрла ăшăнать.
Ят вăл явап, манас мар,
Ята ярса пурнас мар.

Все тексты взяты из открытых источников и выложены на сайте для не коммерческого использования.
Все права на тексты принадлежат только их правообладателям.