Кăвайт умĕнче
Пурнăçа юратни
Çунатлă хĕре, Валентина Терешковăна
Ăлăк çĕмĕрни
Пушкăртстан
Халиччен
Ала
Тарăн мар шыв хĕрринче
«Выç куç пур-ха...»
Пашалу
Пĕрене
Чуптунă вар
Мана курсан
Таврăнмарĕ юрату
«Тӳпе путнă кĕçĕр Çавала...»
Сар инке
Чĕкеç
Юрату хĕвелĕ
Вĕркĕç
Тунсăх
«Куçу: сав, тет, талăкĕпех...»
Салтак
Мăн çул (сăвăлла новеллăсем)
МАЙ ÇИТСЕН
Илемпе тулать тĕнче:
Çĕнетет тумне хир-улăх.
Юратун сăн-питĕнче
Йăл çиçет хĕвеллĕ кулă.
Май çитсен чунсем хавас.
Каçсенче – телей çĕн кунĕ.
Сив хĕлле пăрланнă сас
Ирĕлсе пулать симфони.
Эс куратăн ирсерен:
Хум хушсах пырать Мăн Атăл.
Пурнăçра сан май çитсен
Ырă кур, вăйран ан тайăл.
«Уçлăха çитсе тĕпчем».
Ĕмĕтпе хĕрет пит лайăх
Космонавт урамĕнче
Тепĕр çамрăк Николаев.
ÇĂКА ÇУЛÇИ
Сар кун, çурхи пĕр уçă кун,
(Ăна мĕн халĕ ас тутарчĕ!)
Кашмаш вăрманĕ, сан çăку
Хăй хӳттине пире пытарчĕ.
Тин сарăлнă çавра çулçа
Татса илсе, савни каларĕ:
– Тепле йĕрсем... çыру пуль çав.
Мĕн çырнă-ши! Пĕрле вулар-и?
Çăка çулçи, ал çуп эппин –
Пĕлмен йĕр-паллă санăн пурччĕ.
Ăна вуларăмăр эпир.
Вăл юрату çырăвĕ пулчĕ.
Чылай кун иртрĕ унтанпа.
Тата нумай кун пурăнасшăн
Шав утнă чух умри çулпа,
Куçа çăкалăх курăнсассăн,
Каллех чунтан савас килет.
Пĕлсем, савниçĕм, мĕншĕнне:
Çăка çупçи ас илтерет
Этем чĕрин кӳлепине.