Сăвăсемпе юрăсем

ТУПМАЛЛИ

 

КУРĂК
ХĔВЕЛÇАВРĂНĂШ
ПЫЛ ХУРЧĔ

 

ÇУЛПУÇСЕНЕ

 

Ленин

Аслă Ленин

Ленин шухăшĕ

Сталин

Сталина

 

ÇĔНТЕРУ ЮРРИСЕМ

 

Ылттăн саспаллипе

Хĕвеллĕ Май

Хĕрлĕ Çар кунĕ

Тăвансем
Республикăçăм, савăн

Манăн сăмах

Çĕнтерÿ юрри

Автономи юрри

 

СУМА СУСА

 

Максим Горькие

Чăваш шăпчăкĕ

Çеçпĕл Мишшине

Эльгере

Орден илнĕ хыççăн

Кану çуртĕнче

Çул курки

Колхозлă ял

«Пуçламĕш» колхоз членĕсене

Аксура

Колхозра

«Тельман» колхозне

 

ИРТНĔ САМАНА

 

Çĕлен

Раççей

Чăваш хĕрарăмĕ

Хăнара

Ваçанка

Эссепе

Çарăмсанра

 

АЧАСЕМ ВАЛЛИ

 

Телейлĕ ачасем

Тума пулнă – тăвăпăр

Хурçă çунатсем

Кăнтăр енчи çил

Çуркунне

Вĕçсе килчĕ çуркунне

Çÿçе

Шăнкăрчă

Ушкăн шăнкăрчă

Пыл хурчĕсен юрри

Хĕвел шевли

Курăк

Чĕкеç

Панулми чечекĕ

Шăпчăк

Саркайăк

Хĕвелçаврăнăш

Пыл хурчĕ

Хĕвеле çитех

 

КУРᾸК

 

Пĕтĕм çĕршыв илемне

Эпĕ кӳрсе пурăнап,

Симĕс пурçăн евĕрлĕ

Вутăн-хĕмĕн курăнап.

 

Симĕс пустав çитĕпе

Витсе тăрап эп çĕре,

Кунĕн-çĕрĕн чăр-та чар! –

Кайăк сасси ман çире.

 

Тĕвик-тĕвик текерлĕк,

Тăрик-тăрик тăрнисем –

Янăраса тăраççĕ

Тĕрлĕ кайăк юррисем

 

Хам çуратнă ача пек

Кайăксене сыхлатăп,

Ырă уçă сывлăшпа

Эп вĕсене сывлатап.

 

Эп пулмасан çĕр çинче

Чечексем те пулмĕччĕç

Колхозниксен нӳхрепĕсем

Сĕт-çупала тулмĕччĕç.

 

Колхоз выльăх-чĕрлĕхне

Тăрăс-тăрăс сиктереп,

Колхозниксен кил-йышне

Тутлă апат çитереп.

 

ХĔВЕЛҪАВРᾸНᾸШ

 

Эп çуркунне ырлăхпе

Часах ӳссе çитĕнеп,

Темĕн чухлĕ сип-симĕс

Çунатсемпе витĕнеп.

Сар пурçăн пек курăнса,

Ларап çилпе силленсе,

Ялан хĕвел еннелле

Савса пăхса киленсе.

Мухтав сана, çуркунне,

Тав тăватăп савăнса,

Пĕтĕм чунтан-чĕререн

Пуçа тайса, авăнса.

 

ПЫЛ ХУРЧĔ

 

Пин-пинĕпе пĕрлешсе

Коммунпала пурнатпăр,

Ĕмĕр пĕрле ĕçлесе

Пĕрле ĕçсе-çиетпĕр.

 

Килĕштерсе пурăнма

Питĕ лайăх пĕлетпĕр!

Мĕн пур хитре чечекрен

Пылĕсене илетпĕр.

 

Усал хĕлпе сивĕрен

Эпир питĕ хăратпăр,

Тĕттĕм çĕре пытанса

Сехĕрленсе тăратпăр.