Ĕçчен кушак
ТУПМАЛЛИ
Шăнкăрч йăви
Автансем
Хăраман качака
Наян Кампур
Çамрăк моряк
Кăшман
Шăхличĕ
Левен
Тилĕпе кашкăр
Усал кушаксем тата тирпейсĕр Кĕркури
Кино куртăмăр
Вĕçевçĕсем
Кĕтÿç
Пулăра
Хăравçă мулкач
Чее тилĕпе айван мулкач
Çунашка
Хĕллехи каç
Поезд
Автобус
Автан
Кăтик-кăтик сар чăххи
Шăши çури
Ачаш Сантăр
ĔÇЧЕН КУШАК
Сарă кушак, тыт шăпăр,
Час урайне шăлса пар!
– Ой, шăласса шăлăпăр,
Анчах эпĕ пĕччен мар,
Хамăн пĕчĕк çурапа
Халех шăлса тухăпăр,
Пÿртри пĕтĕм çуп-çапа
Çÿп шăтăкне пухăпăр.
ШĂНКĂРЧ ЙĂВИ
Чупса тухрăм эп тула, –
Сар хĕвел йăл-йăл кулать:
«Эс кала-ха, мĕн таван?
Шăнкăрч валли çĕн йăва
Сан туса лартас пулать», –
Тенĕ евĕр туйăнать.
Иăва хатĕр ман, ав, кур:
Чĕнтĕрлĕ пусми те пур.
Вăл колхоз клубĕ майлах,
Шăнкăрчи юратмаллах.
«Кун пек чаплă йăвана
Кам туса панă мана?» –
Тейĕ те вăл савăнса,
Парĕ юрă юрласа.
ÇАМРĂК МОРЯК
Петя пит те пысăк маçтăр,
Петя мĕн кăна тумасть-тĕр!
Тытрĕ турĕ вăл карап,
Ячĕ пулчĕ ун «Марат».
«Марат» тухрĕ тинĕсе,
Кайрĕ çăмаллăн ишсе.
Тинĕс хытă хумханать,
Айăн-çийĕн пăтранать.
Анчах паттăр капитан
Парăнмарĕ тÿр çултан.
Çитес çĕре çитрĕ вăл,
Чараймарĕ çил-тăвăл.
Карап тăчĕ хурала
Инçет хĕвелтухаçне;
Тĕрĕссипе каласан –
Шывлă вăлашка пуçне.
Ан тив, пултăр вăлашка,
Унăн вăййи çавнашкал.
Петя ÿссе çитĕ, ак,
Пулĕ вăл чăн-чăн моряк.
Мăн линкор çинче вара
Сыхлĕ Совет çёршывне;
Ан тив, халь вылятăрах
Хăй юратнă вăййине.