Атăл çилĕ
ТУПМАЛЛИ
Умсăмах
Тěрěслěх хăвачĕ
Манăн республикă
Тăван тавралăх
Аттеçěмěр
Ленин
Атăл çилě
Харсăр комсомолăм
Пирěн Çар
Тинěс салтакне
Чун ярăмě
Авăтать куккук
Илемлě сăнсем
Савăнать Анна аппа
Çуркунне
Çурхи кěвěсем
Юрă
Эх, савăнăç, савăнăç
Чехов çурчě
Крым каçĕ
Тăрнасем
Чуллă ту
Кам ырламĕ ыррине
Николаев – ман янташ
Мухтавлă Май
Эпě çамрăк строитель
Çулçăсем çаплах вěçеççě
Ас тăватăп: Атăл
УМСĂМАХ
Сывă-и, хисеплĕ вулаканăм,
Вулаканăм – кăмăллă тăванăм?
Пар ална.
Эп килтĕм çĕнĕрен,
Калаçатпăр иккĕн чĕререн.
Калаçатпăр иккĕн васкамасăр,
Нимĕн пытармасăр, вăтанмасăр.
Пар ална.
Ак манăн кĕнекем –
Чунпа çырнă сăвăсем.
ТĚРĚСЛĚХ ХĂВАЧĚ
Эп пĕлетĕп: тĕрĕслĕх хăвачĕ
Ман ăшă, манна çутă пачĕ.
Ачаран вĕрентрĕ чăн пулма,
Çĕршер çухрăм малалла пăхма.
Эп пĕлетĕп: тĕрĕслĕх хăвачĕ
Мана сывлăх, мана ырлăх пачĕ.
Вăл куллен телей кӳрсе тăрать,
Çынсемпе пĕр ретĕн уттарать.
Эп пĕлетĕп: тĕрĕслĕх хăвачĕ
Мана сывлăх, мана ырлăх пачĕ.
Вăл куллен телей кӳрсе тăрать,
Çынсемпе пĕр ретĕн уттарать.
Эп пĕлетĕп: тĕрĕслĕх хăвачĕ
Мана пурнăç, мана юрă пачĕ.
Вăл тыттарчĕ парти билетне,
Вăл кăларчĕ аслă çул çине.
Эп пĕлетĕп: тĕрĕслĕх хăвачĕ
Мана чăрсăр, харсăр кăмăл пачĕ.
Хăратмасăр шăрăх-сивĕрен
Тӳрĕ чунлă турĕ пĕчĕкрен.
Эп пĕлетĕп: тĕрĕслĕх хăвачĕ
Çĕршыва та пусмăртан хăтарчĕ.
Унăн пĕтĕм ирсĕр эшкерне
Аркатса тĕп турĕ тĕпренех.
Эп пĕлетĕп: тĕрĕслĕх хăвачĕ
Халăха хаваслăх туянтарчĕ.
Хăпарса тăп-тăрă тӳпене
Хĕвел сапрĕ ылтăн шевлине.
Эп пĕлетĕп: тĕрĕслĕх хăвачĕ
Космоса та ĕнтĕ çитсе анчĕ.
Ăçта чăнлăх-тĕрĕслĕх хĕрӳ, –
Çавăнпа чи чаплă çĕнтерӳ.
ТĂВАН ТАВРАЛĂХ
Эх, çĕршыв! Тăван тавралăх,
Куçăмран кайми сăнсем.
Шурă хурăнлăх, йăмралăх,
Юмахри пек вырăнсем…
Тĕлĕкре те тек куратпăр
Çак тăван вырăнсене, –
Ма тесессĕн юрататпăр
Çĕршыври илемсене.