Ачасем юрлаҫҫӗ
СОДЕРЖАНИЕ
ТĂВАН ЕН ЮРРИСЕМ
Чи юратни
Аслă тăван
Чăваш çĕршывĕ
Шупашкар
Чăвашлăх йăл илет
Чăвашсем, чăмăртанар
Пирĕн ял
Ĕмĕр-ĕмĕр мухтар
Пограничник
Яланах хĕвел пултăр
Çĕршыв салтакĕ
ШКУЛ КĔВВИСЕМ
Пĕлӳ керменĕ
Учитель
Илемлĕ шăнкăрав
Ачаран хатĕрленер
Лицеистсен юрри
Çутă ĕмĕтсем
Утмаçул
Павăл, эпĕ, Микула
Ак мĕнле ĕçсем
Спортсмен пулар-и?
Ирхи зарядка
Анне
Космос чĕнет
Ĕçченсем
Эх-ха!
Анне, сыв пул
ШӲТЛИСЕМ
Ан хумхан, çăкалăх
Такмаксем
Ши вара
Ах, пĕлесчĕ
Путĕш Павăл
Автан, авăт хытăрах
Такмак-сутмак
Шутсăр интереслĕ
Пултарать те култарать
Музыкантсем
Тĕллев
Качака
Наян Раман
Ай-ай-ай
Тĕлĕнтермĕш
Ăслă куян
Тӳнтермĕшсем
Хаваслă кĕвĕçĕ
Оркестр
Шăпчăкпа шапа тата Сашук
Шултрарах çăмарташăн
Наянлăх
ÇĔН ÇУЛ ÇЕММИСЕМ
Килчĕ çĕн çул
Юр пике юрри
Хĕл мучи юрри
Ташă
Хаваслă хĕр ача
Савăнăçлăн чыслатпăр
Чун туртать
Профессор пулакан
Эпир юлатпăр çĕр çинчех
Уяв чăрăшĕ
Кĕпер
Мĕн вăл Çĕнĕ çул?
ИЛЕМ ЧĔВ-ЧĔВВИСЕМ
Хĕлле
Йĕлтĕрпе
Çуркунне
Эпир Юлатпăр
Уçланкăра
Вăйăра
Чăваш илемĕ
Аван
Чечексем
Пирĕн анкарти
Çумăр
Пахчара
Лагерьте
Кĕркунне
Кăмпара
Хумсем
Пурнăç
Сукмак
ХАЛĂХ КĔВĔЛЕНИСЕМ
Линкка-линкка
Пĕчĕк çеç путене
Авăтать куккук
Атьăр вăрмана
Çĕмĕрт çеçки çурăлсан
Йĕс таканлă
Хурăн çулçи
Улма лайăх-и?
Чăн тӳпере çич çăлтăр
Арман
Сарă ыраш
Тĕслĕх – ват çын
Чăн çул пĕрре
Автор çинчен
Аслă тăван
Пин-пин çул телей шыранă,
Асапланнă тек чăваш.
Вырăссем ăна каланă:
«Пирĕнпе ут эс, юлташ».
Вырăс халăхĕ – аслă тăван,
Алă пачĕ савса чăваша.
Вăл ырлăх сĕнет
пурне те пĕр тан,
Кам-ха утмĕ унпа юнашар?
Пĕр пулса эпир çĕкленĕ
Çут малашлăх ялавне.
Ырă ĕмĕт пĕрлештернĕ
Арканми пĕр çемьене.
Чăваш çĕрĕ халь сад евĕр
Капăрланчĕ Шупашкар,
Кун-çула илемлететпĕр
Туссемпе татах хастар.
Чăваш çĕршывĕ
Тăван Чăваш çĕршывĕ
Ытарайми хитре.
Ун илемне кĕртет, ав,
Элкеш пики тĕрре.
Тăван Чăваш çĕршывĕ
Калама çук пуян.
Ун ылтăнне пухатпăр
Пӳлмесене уйран.
Тăван Чăваш çĕршывĕ
Куç виçейми капмар,
Куллен çунат сараççĕ
Канаш е Шупашкар.
Тăван Чăваш çĕршывĕ
Çав териех маттур.
Атăл çинче ГЭС çутрĕ,
Ун Улăп – трактор пур.
Тăван Чăваш çĕршывĕ
Тĕлĕнмелле ăста.
Реле, сервант, пир-авăр...
Каять Бухарестах.
Тăван Чăваш çĕршывĕ
Çĕнтерейми патвар.
Чапай та Николаев:
«Пул, теç, тата хастар!»
Шупашкар
Пилĕк ĕмĕр ытла
Шупашкар сас пани,
Кăмăлтан чăвашла
Юрлама пуçлани.
Пулнă ун мĕнпур чап -
Пушăт та мунчала,
Пусмăр-хурлăх курса
Нушаланнă хула.
Уç çилпе пур енне
Кĕç саланнă тĕтре.
Вырăс панă алне.
Кĕртнĕ çĕн ĕмĕре.
Пирĕн чап халь çӳрет,
Чикĕ урлă каçса.
Шупашкар çитерет
Парнесем космоса.
Чĕнчĕ Атăл хули
Хăй патне тинĕсе.
Çамрăк-кĕрĕм валли
ВУЗ та пур темиçе.
Таврара çĕнĕ ир
Çуталса пуçланать,
Ватăлатпăр эпир
Ват хула яшланать.
Шупашкар, Шупашкар –
Çут малашлă хула.
Пул татах та капмар,
Ӳс пĕрмай Улăпла.
Чăвашлăх йăл илет
Авалхи ятшывсем илĕртеççĕ.
Ялсене юрататпăр чунтан,
Чĕререн сăвă-юрă çĕклеççĕ
Арапуç, Ирчемес е Турхан...
Хуласем кунсерен чапланаççĕ,
Тăрăшать уншăн вирлĕ чăваш.
Эпирех ĕçченне палăртаççĕ
Шупашкар, Куславкка е Канаш...
Пур çĕрте – илĕртӳллĕ ӳкерчĕк,
Чутайран вăл çитет Кавала,
Савăнма уншăн пурте пикенчĕç:
Атăл, Сăр, Шетмĕ, Энĕш, Пăла...
Йăл илет кунсерен халь чăвашлăх
Саламлать çакна ешĕл йăмра.
Юр-юрлаççĕ, сараççĕ хаваслăх
Шăпăр, тункăр, кĕсле те тăмра.